Полша ташқи ишлар вазири Радослав Сикорский Кремл томонидан ниҳоятда паст даражада делегацияси танланганини «вақтдан ютишга уриниш» сифатида баҳолади. Германия ва НАТО расмийлари ҳам Москвага қарши танқидий баёнотлар берди.
АҚШ давлат котиби Марко Рубио эса «яқин кунлардаги воқеаларни кузатамиз», деб шунчаки баёнот берди. У Туркиядаги музокараларга президент Трампнинг махсус вакиллари билан бирга келиши кутилмоқда.
Россия делегациясига президент ёрдамчиси Владимир Мединский раҳбар этиб тайинланди. Бу қарор музокаралардан амалий натижа чиқишига шубҳа уйғотди.
Президент Трамп айни пайтда Қатарда бўлиб турибди. У агар вазият талаб этса, жума куни Туркияга йўл олиши мумкинлигини билдирди. Аммо Путиннинг келмаслигини «кутилаётган ҳолат» деб атади.
Украина президенти Володимир Зеленский бу музокаралар учун юқори даражали делегация юборганини ва Кремл танлаган таркибни «бутафория» деб атаганини маълум қилди. У бугун Анқарада Туркия президенти Ражаб Тоййиб Эрдўған билан учрашади.