Дунёнинг турли бурчакларидан келган 250 мингга яқин меҳмон тўпланган ушбу маросимда 156 та давлат, қироллик уйлари ҳамда диний конфессияларнинг расмий делегациялари қатнашди.
Маросимнинг расмий қисми якунланганидан сўнг, Спикер Нуриддин Исмоилов янги сайланган Рим Папасини табриклаб, Ўзбекистон Республикаси Президенти Шавкат Мирзиёевнинг самимий табриклари ва илиқ саломларини етказди. Рим Папаси Лео XIV эса, ўз навбатида, Ўзбекистон раҳбариятига ва халқига чуқур миннатдорлик билдириб, мамлакатимиз билан дўстона алоқаларни мустаҳкамлашга умид билдирди.
Мазкур ташриф Ўзбекистоннинг Ватикан ва жаҳон ҳамжамияти билан конструктив мулоқотни янада ривожлантиришга интилаётганининг яна бир амалий далилидир.
Эслатиб ўтамиз эски аввалги Рим папаси Франциск 2025 йилнинг 21 апрелида 88 ёшида вафот этганидан сўнг, Лео XIV янги Рим Папаси этиб сайланган эди.