АҚШнинг махсус вакили Стевен Уиткоффга кўра, Теҳронга уранни ҳатто 1 фоизгача бойитиш ҳам тақиқланади. Унинг таъкидлашича, бу масалада ҳеч қандай иккиланиш йўқ — бу «қизил чизиқ». Уиткофф ABC телеканалига берган интервюсида «Бир фоизга ҳам рухсат ҳам йўқ. Уранни бойитиш — ядровий қурол сари илк қадам. Биз буни кескин рад этамиз», деди.
Бу баёнотга Эрон тезкор жавоб қайтарди. Ташқи ишлар вазири ўринбосари Аббос Ароқчийнинг сўзларига кўра, Вашингтоннинг позицияси музокаралар мантиғидан узилган ва «Эрон ҳеч қачон уранни бойитишдан тўхтатмайди». У «реалликдан йироқ талаблар музокараларга тўсиқ бўлмоқда», деб қўшимча қилди.
Шунга қарамай, ҳар икки томон музокараларни давом эттиришга тайёр эканини билдирган. Уиткофф яқин келажакда Европада ўтадиган янги музокара раундига умид билдирган бўлса, Ароқчий учрашув санаси ва жойи яқин кунларда эълон қилиниши мумкинлигини айтди.
АҚШ президенти Доналд Трамп эса яқинда АҚШ «Эрон билан ядровий келишувга жуда яқин» эканини айтган, аммо шундан кейиноқ Теҳронни «шошилиши керак», деб огоҳлантирган. Эрон эса ҳозирча АҚШдан бу борада янги таклиф олмаганини маълум қилган.