Ўзбекистонда болалар туризмини ривожлантириш бўйича кенг кўламли миллий дастур амалга оширилмоқда. «Казинформ» халқаро ахборот агентлиги берган маълумотларга кўра, ҳар йили 1 миллионга яқин мактаб ўқувчиси мамлакат бўйлаб саёҳатга чиқади. Ушбу ташаббус ўқувчиларнинг бўш вақтини мазмунли ташкил этиш, уларнинг тарихий ва маданий билимларини оширишга хизмат қилади.
Дастур доирасида Қорақалпоғистон, Хоразм, Самарқанд, Бухоро вилоятлари ва Тошкент шаҳридаги «Баркамол авлод» марказларида камида 100 ўринга эга «Болалар сайёҳлик базалари» ташкил этилиши режалаштирилган.
Бундан ташқари, «Баркамол авлод» мактаблари, «Ёшлик» спорт жамияти ва Ўқувчи-ёшлар маркази ягона тизимга бирлаштирилади. Бу масканлар замонавий таъмирлаб жиҳозланади ҳамда хорижий тиллар, сунъий интеллект, дастурлаш ва анимация каби инновацион йўналишларда янги тўгараклар очилади.
Ушбу лойиҳа орқали нафақат туризмни, балки таълим ва технология соҳаларини ҳам узвий ривожлантириш мақсад қилинган.