Шимолий Кореядан қочган ва ҳозирда Жанубий Кореяда яшаб келаётган Эунжу Ким ва Гюри Канг сешанба куни БМТ Бош Ассамблеясида чиқиш қилиб, Пхеньяндаги инсон ҳуқуқлари аҳволини қаттиқ танқид қилишди. Улар мамлакат етакчиси Ким Чен Иннинг халқаро жиноий судга тортилиши лозимлигини таъкидлашди.
Эунжу Ким 1999 йили очликдан қочиб, Хитойга ўтганини, кейинроқ ушланиб, қайтариб юборилганини, кейин яна қочишга мажбур бўлганини айтиб ўтди. Унинг сўзларига кўра, у ва оиласи Хитойда атиги 300 долларга сотилган, кейин эса қамоққа ташланган.
Гюри Канг эса пандемия даврида мамлакатни тарк этган. Унинг таъкидлашича, диний ишончлари учун таъқиб қилинган оиласи 5 ёшида қишлоққа юборилган. У 2023 йил октябрь ойида онаси ва аммаси билан 10 метрли қайиқда қочиб ўтган. Унинг сўзларига кўра, уч дўсти Жанубий Корея сериалларини тарқатгани учун қатл этилган, шулардан бири жамоатчилик олдида 19 ёшида отиб ташланган.
БМТнинг махсус терговчиси Элизабет Сальмоннинг таъкидлашича, пандемия бошидан буён Шимолий Корея аҳолиси «абсолют яккалик» да яшамоқда. У давлатнинг ҳарбийлаштириш сиёсати орқали аҳолини назорат қилиб, меҳнатдан ҳосил бўлган даромадни ядровий дастур ва ҳарбий ҳаракатларга йўналтираётганини қайд этди. «»
Ким Чен Ин режими шунингдек, Россияга аскар юбориб, уларни Украина урушида моддий манфаат учун «тўп озиқ» сифатида фойдалангани айтилади. Бу эса инсон савдосининг янги шакли сифатида баҳоланмоқда.
Шимолий Кореянинг БМТдаги элчиси Ким Сонг бу айбловларни «маҳфий тузуқ ва сохта маълумот» деб атади. У Ғарб давлатларини инсон ҳуқуқларини бузишда айблади.
Шу билан бирга, «Han Voice» ташкилоти раҳбари Шон Чунг БМТга мурожаат қилиб, Шимолий Кореяга мажбурий қайтариш амалиётини тўхтатиш ва бу мамлакатдаги жиноятлар учун жавобгарларга санкция жорий этишни сўради.