Ушбу препарат икки мақсадли биспесифик антитана ҳисобланиб, PD-1 ва VEGF молекулаларига қарши йўналтирилган. Ҳозирда дори Хитойда ўпка, ичак ва аёллар саратони турларига қарши клиник синовдан ўтказилмоқда.
Тузилган шартнома Pfizer’га Хитойдан ташқари бозорларда дори воситасини тижоратлаштириш ҳуқуқини беради. Хитой ичида эса компанияга танлов ҳуқуқи берилади. Бундан ташқари, 3SBio компаниясига дастлабки тўлов сифатида 1,25 миллиард доллар ажратилади. Лойиҳа жараёнида белгиланган босқичларга эришилганда қўшимча тўловлар 4,8 миллиард долларга етиши мумкин.
Pfizer шунингдек, 3SBio акцияларига 100 миллион доллар сармоя киритишни мўлжалламоқда. Битимнинг якуни 2025 йилнинг учинчи чорагида, тегишли органлар ва акциядорлар розилиги асосида амалга оширилади.
Янги препарат Pfizer’нинг АҚШдаги ишлаб чиқариш заводларида тайёрланади. Шу билан бирга, 3SBio келгуси йилда Хитойда 3-босқич клиник синовларни бошлашни режалаштирмоқда.