Козловнинг сўзларига кўра, мамлакатдаги умумий нефт захиралари 31 млрд тоннани ташкил этади, аммо уларнинг фақат 13 млрд тоннаси рентабел ҳисобланади. Ҳозир Россия йилига тахминан 500 млн тонна нефть қазиб олмоқда. Қолган 95 млрд тонна «ресурслар» сифатида баҳоланади, лекин уларнинг катта қисми қийин қазиб олинадиган захиралардир.
Россия ҳукуматининг 2050 йилгача мўлжалланган Энергетика стратегиясига кўра, агар ҳозирги тенденциялар давом этса, 2036 йилга келиб нефт қазиб олиш ҳажми 477 млн тоннага, 2050 йилга келиб эса 287 млн тоннагача камайиши мумкин. Бу ҳолат нефт экспортини 234 млн тоннадон 79 млн тоннагача қисқартиришга олиб келади.
Агар Ғарб санкциялари кучайса ва дунё углеводородлардан тезроқ воз кечса, 2050 йилга келиб Россияда нефт қазиб олиш ҳажми 171 млн тоннагача тушиши мумкин, бу эса экспортнинг тўлиқ тўхташига сабаб бўлади.
Ҳукуматнинг баҳолашича, нефт қазиб олиш соҳасида фойдаланиладиган ускуналарнинг 90 фоизидан кўп қисми импорт қилинади. Шунингдек, геофизик тадқиқотлар учун керакли ускуналарнинг 30 фоизи, геологик тадқиқотлар учун эса 20 фоизи хориждан келтирилади. Бу эса Россиянинг энергетика соҳасидаги технологиявий мустақиллигига жиддий тўсиқ бўлмоқда.