Россиянинг энг бой инсонларидан бири саналган, «Акрон» компанияси асосчиси ва 9,5 млрд долларлик бойликка эга Моше (Вячеслав) Кантор Европа яҳудийлар конгресси (ЕЯК) президенти этиб қайта сайланди. У бу лавозимни олдин 15 йил давомида эгаллаб келган, аммо 2022 йили Буюк Британия ва ЕИ томонидан жорий этилган санкциялар туфайли ундан кетган эди.
Санкциялар жорий этилгандан сўнг Кантор 45 фоиз акциясини бошқарувга топшириб, бизнесдан четлашган, шунингдек, Яд Вашем, Ҳолокост хотираси форуми ва Тел Авив университети қошидаги марказ фаолиятидаги иштирокини тўхтатган.
2025 йил март ойида Венгриянинг талаби билан Европарламент Канторни санкциялар рўйхатидан чиқарди. Шу орқали у яна ЕЯК президентлигига номзодини қўя олди. Қуддусда ўтган Бутунжаҳон яҳудийлар конгрессида 40 дан зиёд яҳужийлар ташкилотлари вакиллари уни аксарият овоз билан қўллаб-қувватлади. У Ариэл Музикантни алмаштирди — у 2022 йилдан буён конгрессга амалда президентлик қилиб келаётган эди.
Кантор ўз нутқида Исроил ҳукуматини танқид қилмасликни ваъда қилди: «Биз кризис пайтларида бирликда бўлишимиз керак. Шу боис, халқаро медиада Исроилни танқид қилмаймиз». Музикант эса аксинча, Исроил раҳбариятини бир неча бор танқид қилган ва яқинда Қуддусда ўтган конференцияга европалик ўнг сиёсатчиларнинг чақирилишини қоралаганди.