Учрашув чоғида Ўзбекистон Ҳукумати ва Ислом ҳамкорлик ташкилотининг Таълим, фан ва маданият масалалари бўйича муассасаси (ICESCO) ўртасидаги ҳамкорлик масалалари муҳокама қилинди. Саидовнинг сўзларига кўра, томонлар яқин истиқболда амалга оширилиши кутилган лойиҳалар бўйича ҳаракатлар режасини имзолади.
Ҳужжатда икки томонлама ҳамкорликни чуқурлаштириш, маданий алоқаларни кенгайтириш ва ICESCO билан қўшма ташаббусларни рўёбга чиқариш каби устувор йўналишлар акс этган.
Мазкур ташаббус доирасида Самарқандда халқаро миқёсдаги маданий тадбирлар, форумлар ва илмий анжуманлар ўтказилиши кутилмоқда. Бундан кўзланган мақсад – шаҳарнинг тарихий ва маданий салоҳиятини жаҳон ҳамжамиятига кенгроқ танитишдир.
Саидов ва ал-Малик ўртасидаги музокаралар Ўзбекистоннинг халқаро маданий майдондаги нуфузини янада оширишга хизмат қилиши кутилмоқда.