Саудия Арабистонида ўтказилган кенг кўламли текширувлар натижасида 13 118 нафар ноқонуний мигрант қўлга олинди. Саудия матбуот агентлиги тарқатган маълумотларга кўра, ушланганлардан 8 150 нафари яшаш қоидаларини бузган, 3 344 нафари эса чегарани ноқонуний тарзда кесиб ўтган. Қолган 1 624 нафар шахс эса меҳнат қонунчилигини бузган ҳолда фаолият юритган.
Саудия Ички ишлар вазирлиги мамлакат ҳудудига ноқонуний киришда ёрдам берган шахслар ҳам қаттиқ жазоланишини маълум қилди. Хусусан, транспорт воситаларини тақдим этган ёки бошпана берган фуқаролар 15 йилгача озодликдан маҳрум этилиши мумкин. Шунингдек, уларга 267 минг АҚШ долларигача жарима солиниши ҳамда мулклари мусодара қилиниши эҳтимоли бор.
Мамлакат расмийлари ноқонуний миграцияга қарши курашни янада кучайтириш ниятида. Бу мақсадда чегара назорати кучайтирилиб, меҳнат бозорида қонунбузарликларга йўл қўймаслик чоралари кўрилмоқда.
Миграция қонунларига риоя қилиш Саудия ҳукуматининг устувор йўналишларидан бири бўлиб қолмоқда. Ҳукумат ноқонуний фаолият юритувчи шахсларга нисбатан муросасиз позицияни сақлаб қолмоқда.
Бу каби қонуний чоралар мамлакат хавфсизлиги ва ички тартиботни таъминлашга қаратилган бўлиб, ҳар қандай қонунбузарликка қарши қаттиқ жавоб қайтарилиши таъкидланмоқда.