78 ёшли Борис Бояринцевнинг жасади дўстига тегишли шаҳар ташқарисидаги ҳаммомнинг буғхонасида топилди. Танишларининг билдиришича, профессор сўнгги кунларда жуда тушкун аҳволда бўлган ва молиявий муаммолардан шикоят қилган. У билан сўнгги марта учрашган дўсти у руҳан синганини айтган.
Марҳумнинг шахсий буюмлари орасидан ҳуқуқ-тартибот органлари томонидан очилган жиноят иши ҳақидаги ҳужжат нусхаси топилган. Расмий маълумотларга кўра, у 2024 йил декабридан бери номаълум шахсларга пайдар-пай 52,6 миллион рубл пулни бериб юборган. Бу маблағнинг катта қисми профессорга тегишли икки уйнинг сотувидан тушган пулдан иборат бўлган.
Mash телеграм-канали Бояринцев «украин фирибгарларининг қурбони»га айланганини маълум қилди. Улар у билан телефон орқали мулоқот қилиб, турли баҳоналар билан унинг ишончини қозонган ва йирик маблағларни ўзлаштиришган.
ТАСС агентлиги Россия ИИВ манбасига таяниб, мазкур ҳолатни тасдиқлади. Айни пайтда тергов ҳаракатлари олиб борилмоқда.