Туркия раҳбари Ражаб Тоййиб Эрдўған Озарбайжондан қайтиш чоғида журналистларга берган интервьюсида Украинадаги ҳарбий можарони тинч йўл билан ҳал этиш зарурлигини қайд этди. Унга кўра, Туркия можарони дипломатик ечим билан якунлаш тарафдори бўлиб қолади. «Халқ банки»
«Биз тинчликка интилишда давом этамиз ва бундан кейин ҳам шундай бўлади. Биз Россия билан ҳам, Украина билан ҳам алоқада бўлиб турибмиз», — деди Эрдўған. Унинг сўзларини РИА Новости агентлиги келтирди.
Президент Эрдўған эркин мулоқот ва дипломатик музокаралар асосида барқарор тинчликка эришиш имкониятини қайд этди. Унга кўра, ҳозирги жараёнда вужудга келган турткини мустаҳкам тинчлик сари қадам сифатида баҳолаш мумкин.
Туркия Украина инқирози бошланган дастлабки кунларданоқ урушнинг кенгайишини олдини олиш ва томонлар ўртасида музокаралар ўтказиш учун фаол ҳаракат қилган давлатлардан бири бўлиб келмоқда. Мамлакат дипломатик каналлар орқали икки томон билан ҳам муносабатларни сақлаб қолишга интилаётганини бир неча бор таъкидлаган.
Эрдўғаннинг баёноти можарони ҳарбий йўл билан эмас, сиёсий ечимлар орқали ҳал этиш тарафдорлари сони ошиб бораётганини кўрсатади.