Бугунги кунда АҚШ доллари ўзбек сўмига нисбатан уч кун кетма-кет пасайиб, умумий 170 сўмлик ёки 1,3 фоизлик тушишни намоён этди. Шу билан расмий курс 12 770 сўмни ташкил этди ва бу 2024 йил октябридан буён қайд этилган энг паст кўрсаткичдир.
Мазкур мустаҳкамланишнинг асосий сабабларидан бири — халқаро молия бозорларида долларнинг умумий қадрсизланиши бўлиб турибди. АҚШ доллар индекси кейинги бир неча йил ичида илк марта шунчалик паст даражага тушган. Бу эса дунё валюталари, жумладан, ўзбек сўмига ҳам кучли таъсир кўрсатмоқда.
Шунингдек, пул ўтказмалари ҳажми ҳам сўм мустаҳкамланишига ҳисса қўшмоқда. 2025 йилнинг биринчи чорагида Ўзбекистонга келиб тушган маблағлар 3,3 млрд долларни ташкил қилиб, ўтган йилнинг шу даврига нисбатан 32 фоизга ошган.
Рублнинг долларга нисбатан мустаҳкамланиши ҳам пул ўтказмаларининг кўпайишига ва долларнинг маҳаллий бозорда қадрсизланишига олиб келмоқда.
Бундан ташқари, 2024 йилда тўғридан-тўғри хорижий инвестициялар 53 фоизга ошиб, 11,9 млрд долларга етди. Бу ҳам миллий валютанинг барқарорлигида муҳим омил ҳисобланади.
Сўнгги ойларда олтин нархининг ўсиши, мамлакат захираларининг рекорд даражага етиши ва импорт ўсиш суръатининг экспортга нисбатан секин кечаётгани ҳам сўм мустаҳкамланишига хизмат қилмоқд.