2024 йил 25 майда якунланган тўрт ҳафталик даврда Россиянинг нефт танкерлари орқали қўшниларга етказаётган нефт хомашёси ҳажми кунига ўртача 3,39 млн баррелни ташкил этди. Бу аввалги ҳафтага нисбатан 10 минг баррелга кам. Бироқ муҳимроғи — экспортдан олинган умумий даромад 1,26 млрд долларни ташкил этган. Бу 2023 йил апрелидан бери кузатилган энг паст ҳафталик кўрсаткичдир.
Bloomberg маълумотига кўра, бу сўнгги 13 ой ичида Россия нефти экспорти қийматидаги мунтазам пасайиш тенденциясининг давомидир. 2024 йил апрелида Россия ҳафтасига 1,95 млрд доллар экспорт даромади олган бўлса, ҳозирга келиб бу миқдор 28 фоизга камайган. Экспорт ҳажми ҳам тахминан 8 фоизга тушган.
Гарчи санкциялар ушбу пасайишда қанчалик рол ўйнаётгани аниқ эмаслиги таъкидланган бўлса-да, G7 давлатлари Россия нефтига қўйилган нарх чегарасини 60 доллардан 50 долларга тушириш масаласини муҳокама қилмоқда. Агар ушбу чеклов жорий этилса, Россия нефти 50 доллардан қиммат нархда сотилса, уни ташиш учун Ғарб кемалари ва хизматларидан фойдаланиш мумкин бўлмайди.
Бу вазият Россиянинг экспорт сиёсати ва бюджетга бўлган нефт тушумларига жиддий таъсир кўрсатиши мумкин. Шу билан бирга, бу иқтисодий босим орқали Кремл сиёсатига таъсир ўтказишга қаратилган Ғарбнинг навбатдаги стратегик қадами сифатида баҳоланмоқда.