«Мен бу гапни Германия номидан айтяпман. Биз «Шимолий оқим–2» қувури қайта фаолиятга қайтмаслиги учун барча ҳаракатларни амалга оширамиз», — деди Мерц ўз чиқишида.
Фридрих Мерц аввалроқ, 23 май куни, Европа Иттифоқининг «Шимолий оқим» ва «Шимолий оқим–2» газ қувурларини бутунлай эксплуатациядан чиқариш ҳақидаги таклифини қўллаб-қувватлаган эди. У бу чора Россия ва АҚШ ўртасида Европа билан газ алоқаларини тиклашнинг олдини олишини таъкидлаган.
Бироқ, ушбу қараш Германияда бирдек қўллаб-қувватланаётгани йўқ. Жумладан, Саксония бош вазири Михаэл Кречмер «Шимолий оқим» қувурларини Россия билан мулоқотни тиклаш воситаси сифатида қайта ишлатишни таклиф қилган. Унга кўра, ушбу қувурлар орқали Россия гази Германия эҳтиёжининг камида 20 фоизини қоплаши мумкин.
Эслатиб ўтамиз, «Шимолий оқим–2» газ ҳайдаш қувури Россия соҳилидан Германиягача Болтиқ денгизи тубидан ўтган икки йўналишдан иборат бўлиб, йилига 55 млрд метр куб газ етказиб бериш имконига эга. Лойиҳа 2021 йил сентябрда якунланган, аммо 2022 йил февралда у ишга тушмасдан тўхтатилган эди. Сентябрь ойида эса номаълум портлашлар натижасида «Шимолий оқим»нинг икки жойи ва «Шимолий оқим–2»нинг бир қисми вайрон қилинган.