BBC хабар қилишича, ҲАМАС вакили бу режа уларнинг асосий талабларига жавоб бермаслигини маълум қилган. АҚШ 29 май куни ушбу режа Исроил томонидан маъқулланганини, ҲАМАСдан эса жавоб кутилганини айтганди.
Исроил оммавий ахборот воситаларига кўра, келишувга кўра, ҲАМАС икки босқичда 10 нафар тирик гаровдагилар ва 18 нафар ҳалок бўлганларнинг жасадини қайтариши керак эди. Эвазига Исроил 60 кун давомида ўт очишни тўхтатиши ва қамоқдаги фаластинлик маҳкумларни озод қилиши керак эди.
Бироқ ҲАМАС расмийси бу таклиф ташкилотнинг асосий талаблари, жумладан, урушни тўхтатиш шартларини қамраб олмаганини билдирган. Исроил ҳукумати бу муносабат билдирмаган. Бироқ бош вазир Биньямин Нетаняху 29 май куни гаровдаги шахслар оилалари билан учрашувда Витков режасини қабул қилганини айтган.
Эслатиб ўтамиз, Исроил 18 март куни АҚШ, Қатар ва Миср воситачилигида амалга оширилган икки ойлик ўт очишни тўхтатиш режими барбод бўлганидан сўнг, Ғазога ҳарбий операцияларни қайта бошлаган. Мамлакат ҳукумати ҲАМАСга босим ўтказиш орқали гаровда сақланаётган 58 нафар шахсни озод қилишга интилмоқда. Улардан 20 нафари ҳали ҳам тирик экани айтилмоқда.