CNN маълумотига кўра, мамлакатда 160 дан ортиқ ёнғин назоратдан чиқиб кетган. Энг оғир ҳолатлар Саскачеван ва Манитобада кузатилмоқда. Ҳар икки провинцияда фавқулодда ҳолат эълон қилинган. Мутасаддиларнинг таъкидлашича, бу ҳудудлардаги ёнғинлар инсон саломатлигига ва муҳитга жиддий хавф туғдирмоқда.
Мутахассислар иқлим ўзгариши ушбу ёнғинлар хавфини оширганини қайд этмоқда. Йилнинг биринчи ярмидаги кучли иссиқлик ва қурғоқчилик ёмғир эҳтимолини пасайтириб, ёнғинларга қарши курашни қийинлаштирган.
Ёнғинлардан чиққан тутун АҚШнинг бир нечта штатларига ҳам етиб бориши мумкин. Бу эса ҳаво сифатига салбий таъсир кўрсатиши эҳтимолидан далолат беради. Келгуси ойларда ҳам ёнғинлар давом этиши тахмин қилинмоқда.
Канада ҳукумати хавфсизлик чораларини кучайтириб, эвакуация ишларини изчил амалга оширмоқда. Улар тез орада ёмғир ёғишига умид қилмоқда.