Украина Сумси областида жойлашган 213 та аҳоли пунктидан мажбурий эвакуация эълон қилди. Бу қарор Россия ҳужумларининг кучайиши туфайли қабул қилинди. Област ҳарбий маъмурияти раҳбари Олег Григоровнинг маълум қилишича, сўнгги кунларда россиялик ҳарбийлар томонидан 11 та қишлоқ янгидан ҳужумга учраган олинган.
Украина чегара хизматининг вакили Андрий Демченко Россия Суми шаҳрига ҳужум қилишга тайёргарлик кўраётганини маълум қилди. Шу билан бирга, Украина президенти Володимир Зеленский Суми областига 50 мингдан ортиқ россиялик аскар йўналтирилганини айтди ва ҳужумнинг кенгайиши хавфи борлигини таъкидлади.
Россия Мудофаа вазирлиги Украинанинг Суми областидаги яна бир аҳоли пункти — Водолага қишлоғини назоратга олганини хабар қилди. Украина ва Россия ўртасидаги келишув музокараларининг навбатдаги босқичи 2 июн куни Истанбулда ўтказилиши режалаштирилган.
The New York Times нашрининг ёзишича, Москва музокаралар арафасида Украинага нисбатан янги ҳужумни бошлаган. Бу амалиёт Украина Қуролли кучларининг Курск областидаги чекинишидан сўнг қуруқлик ва ҳаводан фаоллашган.
Россия музокараларда иштирок этишини расман тасдиқлаган бўлса-да, Киев Кремл ўз тинчлик шартларини олдиндан тақдим этмас экан, ҳеч қандай натижа бўлиши мумкин эмаслигини маълум қилган.
Meta description: