Божхона органлари ва Экология вазирлиги ҳамкорлигида ўтказилган тезкор тадбир давомида ушбу фуқаро йирик илонларни 10 литрли елим идишда яширинча ташишга уринаётгани фош қилинди. Аниқланишича, ушбу жонзотлар Ўзбекистонда фақат маълум табиий ҳудудларда учрайдиган, ноёб ва қўриқланувчи турлар сирасига киради.
Мутасаддиларнинг маълум қилишича, «шарқ бўғма илон» тури Ўзбекистон Республикасининг Қизил китобига киритилган. Уларнинг яшаш маконига Устюрт платоси, Қизилқум, Зарафшон водийси, Қарши чўли, Тошкент вилояти ва Фарғона водийси каби ҳудудлар киради.
Ушланган фуқарога нисбатан қонунбузарлик ҳолати юзасидан тегишли ҳуқуқий чоралар кўрилмоқда. Мутахассислар иштирокида ноёб жонзотлар Тошкент ҳайвонот боғига вақтинча сақлаш учун топширилди, дейилади Божхона қўмитаси хабарида.
Бундай ҳолатлар мамлакатда биологик хилма-хилликни муҳофаза қилиш, ноёб турларни сақлаб қолиш ва уларнинг ноқонуний айланмасига чек қўйиш йўлида жиддий назорат олиб борилаётганидан далолат беради.