Бағаийнинг сўзларига кўра, Эрон санкцияларнинг «ҳақиқий тугаши» бўйича кафолатлар, жумладан, уларни қандай механизм орқали бекор қилиш бўйича маълумотларни талаб қилмоқда. Унинг таъкидлашича, АҚШ томони бу борада етарлича аниқлик киритмаган.
АҚШ президенти Доналд Трампнинг махсус вакили Стив Уиткофф томонидан тақдим этилган янги таклифда Эронга фақат фуқаролик мақсадларида, 3 фоизгача даражада уран бойитишга рухсат бериш назарда тутилган. Бироқ Трамп кейинчалик бу таклифни рад этиб, Эронда ҳар қандай уран бойитишга йўл қўйилмаслигини таъкидлади.
Эрон расмийлари мазкур таклифни «қабул қилиб бўлмайдиган» деб баҳолаб, уни рад этишга тайёргарлик кўрмоқда. Уларнинг фикрича, таклифда уран бойитишни тўлиқ тўхтатиш ва санкцияларнинг қандай бекор қилиниши бўйича аниқ режа мавжуд эмас.
Шу билан бирга Эрон ўзининг ядровий дастури фақат тинч мақсадларга қаратилганлигини таъкидлаб, уран бойитиш ҳуқуқини сақлаб қолишни талаб қилмоқда. Теҳрон халқаро ҳамжамиятдан ўз ҳуқуқларини ҳурмат қилишни сўрамоқда.