29 май куни Белград яқинида жойлашган ва Украина армияси учун ўқ-дорилар тайёрловчи хусусий ҳарбий заводда кучли портлаш содир бўлди. Сербия расмийларининг маълум қилишича, ҳодиса оқибатида камида бир киши ҳалок бўлган ва камида иккита жароҳатланиш ҳолати қайд этилган. Заводда портлашдан сўнг ёнғин чиққан ва бу ҳолат област миқёсида хавотир уйғотди.
Портлашнинг аниқ сабаблари ҳозирча маълум эмас, бироқ Сербия ички ишлар вазирлиги ҳодиса жойида текширув ишларини бошлаганини маълум қилди. Шу билан бирга, портлаш бўлган корхона Украина учун ўқ-дорилар ишлаб чиқараётгани ва бу фаолият Европа Иттифоқининг айрим давлатлари билан келишилган ҳолда амалга оширилаётгани айтилмоқда.
Сербия ҳукуматининг баёнотида ушбу завод Украинага хусусий тижорат шартномалари асосида фаолият юритаётгани таъкидланди. Шу билан бирга, маҳаллий мухолифат партиялари бу вазиятни мамлакатнинг бетараф сиёсатини хавф остига қўяётган ҳолат сифатида баҳоламоқда.
Айрим таҳлилчилар бу портлашни тасодифий ҳодиса деб қарамаяпти. Уларга кўра, бу ҳужум бўлиши мумкин ёки ташқи таъсир натижаси сифатида юз берган бўлиши мумкин. Ҳозир тергов органлари барча эҳтимолларни ўрганмоқда ва ҳодиса сабаблари бўйича яқин кунларда расмий баёнот берилиши кутилаяпти.