АҚШнинг собиқ президенти Доналд Трамп 12 мамлакат фуқароларининг АҚШга киришини тақиқловчи ва яна етти давлатга нисбатан чеклов қўйилган янги фармонни имзолади. Мазкур тақиқ 9 июндан амалга кириши белгиланган.
Оқ уй тарқатган маълумотга кўра, Афғонистон, Мянма, Чад, Конго Республикаси, Экваториал Гвинея, Эритрея, Гаити, Эрон, Ливия, Сомали, Судан ва Яман фуқаролари АҚШга кириш ҳуқуқидан тўлиқ маҳрум этилган. Шу билан бирга, Бурунди, Куба, Лаос, Серра-Леоне, Того, Венесуэла ва Туркманистон фуқароларига нисбатан чекланган тарзда кириш тақиқлари қўлланилмоқда.
Бу каби тақиқлар Трамп маъмурияти даврида янги эмас. У 2017 йилда президентликка киришиши билан Ливия, Сурия, Яман ва Сомали фуқароларининг киришини тақиқлаганди. Кейин бу рўйхатга Шимолий Корея, Венесуэла ва Чад ҳам қўшилган.
Фармонга нисбатан судларда бир неча бор эътироз билдирилган бўлса-да, АҚШ Олий суди уни қонуний деб топиб, тақиқни кучда қолдирган. Янги чекловлар Трампнинг миграция сиёсатидаги шов-шувли қадамларидан бири сифатида баҳоланмоқда.