Bloomberg манбаларига кўра, музокаралар ҳали якунига етмаган ва шартлар ўзгариши мумкин. Meta компанияси ва Scale AI вакиллари бу ҳақда расмий изоҳ беришдан бош тортди.
Scale AI стартапи 2016 йилда Александр Ван томонидан асос солинган бўлиб, у машинали ўрганиш моделлари учун маълумотлар тайёрлаш ва белгилаш хизматларини тақдим этади. 2023 йилда компания 14 млрд долларга баҳоланган, унинг йиллик даромади эса 870 млн долларни ташкил этган. 2025 йилга келиб бу кўрсаткич 2 млрд долларга етиши кутилмоқда.
Meta авваллари асосан ўзининг ички СИ лойиҳаларига эътибор қаратган бўлса-да, ушбу инвестиция унинг ташқи лойиҳаларга жиддий қадам қўяётганини кўрсатади. Ҳозирда Meta ва Scale AI АҚШ армияси эҳтиёжлари учун мўлжалланган Defense Llama номли махсус СИ моделини ишлаб чиқишда ҳамкорлик қилмоқда.
Агар инвестиция амалга ошса, бу Meta учун СИ соҳасидаги энг йирик ва стратегиявий сармоялардан бири бўлади. Бу ҳолат корпорациянинг рақобатбардошликни таъминлаш ва бозорда устунликка эришиш мақсадида ИИ технологияларига катта эътибор қаратаётганини тасдиқлайди.