Қонун лойиҳасига мувофиқ, Марказий банк, тўлов тизимлари ва акционерлик жамиятлари ҳақидаги қонунларга ўзгартиришлар киритилади. Унга кўра, барча тўлов ташкилотлари хавф-хатарларни бошқариш ва ахборот хавфсизлигини таъминлаш бўйича минимал талабларга амал қилиши шарт бўлади.
Қонунчиликка янги тушунчалар — фаолият йўналишига қараб тўлов ташкилотларини таснифлаштириш ҳамда «тизимли аҳамиятга эга тўлов ташкилотлари» тоифаси киритилди. Бундай ташкилотларга алоҳида тартибда назорат ўрнатилади.
Ташаббус орқали тўлов тизими иштирокчилари учун хавфни баҳолаш, ички назорат механизмларини жорий қилиш ва Марказий банк томонидан белгиланадиган техник талабларга риоя қилиш мажбурияти юкланмоқда. Бу чоралар рақамли тўлов соҳасидаги хавфларни камайтиришга қаратилган.
Қонун лойиҳаси энди Сенат кўриб чиқувига юборилади. Сенатда маъқуллангандан сўнг Президент томонидан имзоланиши орқали кучга киради.