Нашрга кўра, Киев ўзини йирик газ экспортчисига айлантириш ва Европа бозорида катта ўзгариш яратиш мақсадида сланец гази қазиб олишни кўзламоқда. Мамлакатдаги ҳукумат ва вазирлар бу йўналишда хусусий сармоя жалб қилиш ва янги технологияларни жорий этиш учун ҳаракат қилмоқда.
Украинада анъанавий табиий газ захиралари етарли бўлиб, бу эҳтиёжни тўлиқ қоплаш ва экспортни таъминлаш имконини беради. Агар сланец гази қазиб олиниши бошланса, мамлакатнинг энергетик мустақиллиги янада мустаҳкамланади ва у минтақавий етакчига айланиши мумкин.
The Telegraph таъкидича, агар ушбу лойиҳа амалга ошса, Европа Россия ва бошқа давлатлардан суюлтирилган табиий газ импорт қилишга муҳтож бўлмас эди. Бу эса дунё бўйлаб газ нархларининг пасайишига олиб келиши мумкин.
Шу билан бирга, муаллифлар уруш давом этаётган бир пайтда инвесторлар томонидан катта сармоя киритишга тайёрлик йўқлигини ҳам тан олишади. Молиявий муваффақият эса фақат уруш тугашидан кейингина кутилади.