Иқтисодчи Миркомил Холбоевнинг ёзишича, Виетнам, Таиланд, Сингапур, Малайзия ва Индонезия сингари мамлакатлар Хитой экспортининг асосий манзилига айланди. Бу эса Хитой маҳсулотларининг АҚШга бевосита эмас, балки учинчи давлатлар орқали кириб бораётганини кўрсатади. Масалан, апрел ойида Сингапурдан АҚШга импорт 21,4 фоизга ўсиб, 0,6 млрд долларга етган — бу АҚШнинг иккинчи энг йирик ўсиш қайд этган ҳамкори бўлди.
Индонезия ва Виетнам ҳам Хитой товарларининг янги транзит нуқталари сифатида кўзга ташланмоқда. Бундай йўналиш орқали АҚШ томонидан жорий қилинган божлардан частичный четланиш эҳтимоли кучаймоқда.
Хитойнинг бошқа минтақаларга экспорти ҳам ортиб бораётгани ушбу мамлакатда ортиқча таклиф шаклланиб, ички нархлар тушаётганини кўрсатади. Бу эса экспортбоп товарларни арзонлаштириб, ташқи бозорларда рақобатбардошлигини оширмоқда.
Ўз навбатида, Хитой маҳсулотларининг оммавий равишда импорт қилиниши импортчи мамлакатларда нарх босимини пасайтирмоқда. Бу ҳолат айниқса импорт инфляциясига қарши курашда айрим давлатлар учун ижобий таъсир кўрсатмоқда.