Россия президентининг ёрдамчиси Владимир Мединский The Wall Street Journal нашрига берган интервюсида Украина музокараларда муроса қила олмас экан, бу мамлакат учун катта ҳудудий йўқотишларга сабаб бўлишини айтди. Унинг таъкидлашича, Россия тинчликни хоҳласа-да, агар Киев чет эллар манфаатини биринчи ўринга қўяверса, буга жавоб қайтаришга мажбур бўлади.
Мединский ўз чиқишида Россия узоқ давом этувчи урушларда ғалаба қозонадиган давлат эканини таъкидлади. У XVIII асрдаги 21 йиллик Швеция билан бўлган урушни мисол қилиб келтирди.
Мусоҳабада у Россия ва Украина ўртасидаги зиддиятни «ака-ука» ўртасидаги можаро каби баҳолаб, бу икки халқни бир миллатнинг бир қисми, бир тил ва умумий маданият билан боғланган, деб атади. Унинг сўзларига кўра, муаммонинг асили — ким ақллироқ ва муҳимроқ эканини аниқлашга уриниш.
Мединский, шунингдек, 2 июн куни Истанбулда ўтган музокараларни эслаб ўтди. Унда томонлар оғир яраланганлар ва ёш аскарлар алмашинуви, 6000 нафар украиналик ҳарбийларнинг жасадларини қайтариш бўйича келишувларга эришганини таъкидлади. Аммо 8 июн куни Киев вакиллари танланган жойга келмагани сабабли, алмашинув муддати номаълум муддатга қолдирилди.
Мединский бу ҳолатни Украина ҳукумати ўз йўқотишларини яшириш ва қурбонлар учун компенсация беришдан қочиш мақсадида қилмоқда, деган фикрни илгари сурди.