Миллий статистика қўмитаси маълумотларига кўра, 2025 йил январь-апрель ойларида йирик корхоналар томонидан 17 трлн сўмлик қурилиш ишлари амалга оширилган. Бу кўрсаткич ўтган йилнинг мос даврига нисбатан 26,1 фоизга кўпдир.
Шунингдек, йирик ташкилотларнинг умумий қурилиш ишларидаги улуши 2024 йилдаги 20 фоиздан 22,9 фоизгача ошган. Бу эса бозорда уларнинг қайтадан фаоллашганини англатади.
Солиштирма таҳлилларга кўра, йирик қурилиш корхоналарининг улуши 2022 йилда 25,9 фоизни, 2023 йилда 25,3 фоизни ташкил этган эди. 2024 йилда эса кескин пасайиб, 20 фоизга тушган. Бироқ 2025 йилда бу кўрсаткич қайта ўсишга юз тутган.
Бу динамика йирик қурилиш компанияларининг бозордаги фаоллиги тикланаётгани ва давлат буюртмаларидаги иштироки кучаяётганини кўрсатади. Шу билан бирга, қурилиш соҳасидаги умумий фаолликнинг юқори суръатларда ўсиши қайд этилмоқда.