— Сен учун шу пайтгача ҳаётингдаги энг асосий турнир қайси бўлган?
— Ҳиссиётлар нуқтайи назаридан олганда, менимча, бу U20 турнири. Биз Осиё чемпиони бўлдик. Аргентинада жаҳон чемпионтида қатнашдик. Лекин даража жиҳатидан албатта Олимпиада. Биз испанлар билан ўйнаган пайтда бутун стадион Ўзбекистон учун мухлислик қилишди, тўғрими?
— Олимпиада ҳақида гапир-чи. Сен ўша жамоада эдинг. Сен учун ўз жамоанг билан рақиблар ўртасидаги даража фарқи қанчалик шокли бўлган?
— Мен унчалик катта фарқни ҳис қилмаганман, лекин ҳар ҳолда уларда кўпроқ тажриба бор эди? Уларда интенсивлик юқори, чунки улар яхши чемпионатларда ўйнашади. Бу, албатта, ўйинга таъсир қилди. Масалан, Испания билан ўйнаганимизда, ҳар ҳолда уларда ўзларига хос класс бор эди. Лекин мен ўйлайманки, биз ёмон ўйнаганимиз йўқ. Чунки ўйин бошида бутун мухлислар «Испания, Испания» деб бақираётганди, лекин 20-дақиқадан кейин ҳаммаси «Ўзбекистон» деб бақириб, мухлислик қила бошлашди. Мен мана шу лаҳзаларда завқни ҳис қилдим.
— Аббос, Осиё футболи географияси жуда катта — у ерда турли мамлакатлар бор. Сен Осиёнинг энг яхши ёш футболчиси бўлдинг. Бу сенга қанчалик босим ўтказади?
— Мен ғалаба қозонганимда бунчалик кучли эмоциялар бўлмаган. Чунки бу нарса ота-онам учун жуда муҳим эди ва бу улар учун фахр туйғуси ҳам, улар буни ҳис қилади. Лекин мен ўзим бу туйғуни у қадар ҳис қилмаганман, чунки мен ҳали янада кўпроқ нарсага, бундан ҳам ортиқроғига эришмоқчиман.
— Сен 75 миллион доллар туришинг мумкинлигини айтгандинг. Энди нимани хоҳлайсан? «Реал» Мадридда ўйнашни хоҳлайсанми?
— Эҳтимол, «Реал» Мадридда, эҳтимол «Барселона»да. Бу менинг олий мақсадим ва мен шу мақсад сари бормоқдаман. Намуна сифатида, масалан, Хвича Кварацхелияни кўрсатишим мумкин. У ҳам «Рубин»дан чиқиб, ҳозир ПСЖда ўйнаяпти.
— Сен Ўзбекистонда ўйнаб юрган пайтингда, жуда ёш бўлса-да, Европа жамоалари, жумладан «Бавария» скаутлари ҳам сенга қизиқиш билдиргани айтилганди…
— Эҳтимол, шундай бўлгандир. Биз U-20да ўйнаган пайтимизда, улар кузатишган бўлиши мумкин.
— Сен ЦСКА футболчисисан. Мен бежиз «Бавария»ни тилга олмадим, чунки маълумотларимга кўра, сен Ўзбекистонда ўйнаган пайтингда «Бавария» скаутлари сени кузатишган. Карйерангни қандай тасаввур қиласан?
— Ҳозир мен ЦСКАдаман ва менда шартнома бор. Лекин менинг доимий мақсадим — Европада ўйнаш. Худо хоҳласа, вақти келганда, мен Европадаги таниқли жамоаларда ўйнашни хоҳлайман.
Шунингдек, интервю давомида Аббос Файзуллаев ЖЧ-2026 саралаш босқичлари доирасида ўтган ўйинлар ҳақида ҳам ўз фикрларини билдириб ўтди:
«Биз кўплаб ўйинларда камбек қилишни бошладик. Бизга «Камбекстон» деб лақаб қўйишди. Чунки охирги пайтларда жуда кўп марта камбек қилдик. Шунга қараб айтсам, менимча бизда бу масалада муаммо йўқ.
Бу жуда катта қадам. Бу тарихга кирган ҳолат. Шу воқеадан кейин, менимча, ўзбек футболчиларига янада кўпроқ эътибор қаратилади. Бу ёш футболчилар учун энг кучли жамоаларга ўтишда йўл очиб беради. Бу бутун миллатнинг орзуси эди. Менимча, бу ёшларимизга ақлбовар қилмас даражада катта йўл очади».