«[Исроилнинг] тажовузи минтақани беқарорлаштириши мумкин бўлган хавфли вазиятни келтириб чиқармоқда ва Нетаняхунинг экстремистик ҳукумати минтақани очиқ тўқнашувга тортишга бўлган қатъий интилишини кўрсатмоқда», — дейилади баёнотда.
ҲАМАС ҳужумни «халқаро меъёрлар ва конвенцияларни очиқдан-очиқ бузадиган шафқатсиз тажовуз» деб атади ва бу Исроилнинг «бутун минтақа учун ҳаётий хавф туғдираётганини» яна бир бор тасдиқлади, деб қўшимча қилди.
ҲАМАС Эрон Ислом Республикаси билан тўла ҳамжиҳатлигини билдирди ҳамда Эрон раҳбарияти ва халқига чуқур ҳамдардлик изҳор этди.
«Биз шафқатсиз сионистларнинг тажовузига учраётган Эронга ҳамдардлигимизни билдирамиз. Бу ҳужум – аввало, Эроннинг Фаластин халқи ва қаршилик курашчиларига кўрсатаётган ёрдами учун жазодир. Биз ушбу қўрқоқларча ҳужум қурбони бўлган Эрон етакчилари ва олимлари учун мотам тутамиз. Агар сионистлар мана шундай ҳужумлари орқали адолат кучларини заифлаштириш ёки минтақадаги сўроқ остида турган мавқеини мустаҳкамлаш ҳақида ўйлаётган бўлса, қаттиқ адашишади. Аксинча улар хато устига хато қилишмоқда, бу эса улар учун тайёрлаб қўйилган Аллоҳнинг интиқомини янада яқинлаштиради», — деган Ал Қассам бригадалари сўзчиси Абу Убайда ўз сўзида.