Қарши чиққанлар орасида АҚШ, Исроил, Венгрия, Аргентина ва Парагвай каби давлатлар бор. Бетараф қолганлар қаторида Гуржистон, Ҳиндистон, Румыния ва Эквадор қайд этилди.
Резолюция 20 дан ортиқ давлат томонидан таклиф этилган бўлиб, у урушда очликдан қурол сифатида фойдаланишни кескин қоралайди, гуманитар ёрдам етказишдаги чекловларни бекор қилишни талаб қилади ва тинч аҳолини халқаро ҳуқуқ меъёрларига мувофиқ ҳимоя қилиш зарурлигини таъкидлайди.
Ҳужжатда шунингдек, ҲАМАС ва бошқа гуруҳлар томонидан ушлаб турилган барча гаровдагиларни озод этиш талаб қилинган.
Бу овоз бериш АҚШ томонидан БМТ Хавфсизлик Кенгашида шунга ўхшаш ташаббусни рад этганидан бир неча кун ўтиб амалга ошди. Шу боис, Бош Ассамблеядаги қарор халқаро ҳамжамиятнинг Ғазодаги тинчликка бўлган талаби сифатида баҳоланмоқда.