Қозоғистон атом энергетика агентлиги «Росатом» компаниясини Олмаота вилоятида қуриладиган атом электр станцияси лойиҳасини амалга оширувчи консорциум раҳбари сифатида танлади. Бу ҳақда агентлик матбуот хизмати расмий баёнот берди.
Лойиҳа танловида Хитойнинг CNNC компанияси иккинчи ўринни, Франциянинг EDF ва Жанубий Кореянинг KHNP компаниялари эса учинчи ўринни эгаллади. Танловда франциялик Assystem инжиниринг компанияси ҳам қатнашиб, баҳолаш методологиясини ишлаб чиққан.
Баёнотда лойиҳа «халқаро» мақомга эга экани беш марта таъкидланган. Бу, жумладан, консорциум таркиби ва методологик ёндашувларга ҳам тааллуқлидир.
Муҳим жиҳатлардан бири сифатида Россия томонининг молиявий кафолат бериши айтиб ўтилган. «Росатом» таклифига кўра, лойиҳа учун Россия Федерацияси давлат экспорт молиялаштириш воситаларини ишга солиши мумкин.
Айни пайтда АЭСда иккита энергоблокдан иборат бўлиши кутилмоқда. Лойиҳанинг аниқ қиймати ва муддатлари эса кейинроқ эълон қилинади.