Il Messaggero нашрининг хабар беришича, «Атланта Юнайтед» ўзбекистонлик ҳужумчининг эшигини яна бир бор тақиллатмоқда.
Roma Press маълумотига кўра, Америка клуби унга бир йил аввал ҳам қизиқиш билдирган, аммо музокаралар сўнгги босқичда тўхтаб қолган. Бироқ бу сафар Шомуродовнинг MLS’га йўл олиши эҳтимоли юқори, чунки «Рома» ўзбек футболчисини келгуси мавсумда асосий таркибга киритишни режалаштирмаяпти.
Таъкидланишича, Италия клуби Артём Довбикни жамоада сақлаб қолишни ўйламоқда, бу эса Шомуродовнинг мунтазам ўйин амалиётига эга бўлиш имкониятини камайтиради. Шунингдек, клуб аллақачон ҳужумчининг ўрнига ёшроқ футболчи излашни бошлаб юборган.