Эрон расмийлари қурбонлар сонини эълон қилишдан тийилаётгани сабабли, мазкур рақамлар мустақил манбалар орқали аниқланган. Исроил эса чоршанба куни эрталабги ҳужумни тан олди — унда 50 дан ортиқ ҳарбий самолёт иштирок этган. Улар Теҳрондаги марказий уран центрифуга ишлаб чиқариш мажмуасига зарба берганини билдирди.
Ҳужумлардан сўнг Теҳрон аҳолиси оммавий равишда шаҳарни тарк эта бошлади. Ҳакемийеҳ туманидаги Инқилобий гвардия академияси ҳудуди ҳам зарбалангани маълум қилинди. Шаҳар маркази ва катта бозорлар ёпилган, кўчаларда тирбандлик юзага келган.
Жанговар ҳаракатлардан сўнг Эрон ҳам жавоб зарбалари йўллади. Исроилга 400 та ракеталар ва юзлаб дронлар отилди. Оқибатда 24 нафар Исроил фуқароси ҳалок бўлган. Шу билан бирга, Исроил генерали Али Шадманий ўлдирилгани маълум қилинди.
АҚШ президенти Доналд Трамп ўз баёнотида Эрондан «шартсиз таслим бўлиш»ни талаб қилди. У Twitter орқали Олий раҳбар Оятуллоҳ Али Хоманаийни огоҳлантирди, бироқ уни ўлдириш режаси йўқлигини таъкидлади. Вашингтон минтақага қўшимча ҳарбий самолётлар юборган.
Эрон ҳарбийлари эса «жазо операцияси» ҳали олдинда эканини маълум қилмоқда. Исроилда ҳаво тревогалари янграб, аҳоли паноҳгоҳларга йўналтирилди.