Axios нашрига кўра, АҚШ президенти Доналд Трамп Исроилнинг Эронга қарши ҳарбий операциясида АҚШ иштирокини муҳокама қилмоқда. Ҳусусан, у Эроннинг ядровий объектларига, жумладан Фўрду яқинида жойлашган уран бойитиш заводига зарба бериш имкониятини кўриб чиқмоқда. Мазкур иншоот Теҳрондан 160 км узоқликдаги Қум шаҳри яқинида жойлашган.
Манбаларнинг таъкидлашича, Трамп бу қарорни Исроилнинг 15 июн куни АҚШга қилган мурожаатидан сўнг кўриб чиқмоқда. Исроил расмийлари АҚШдан Эронга қаратилган зарбаларда иштирок этишни сўраган, аммо Вашингтон дастлаб буни рад этган эди.
Аввалроқ Трамп Эроннинг ҳаво ҳудуди тўлиқ назоратда эканини таъкидлаган ва Эрон қуроллари Америка технологияларидан анча орқада қолганини билдирган. У шу билан бирга Эрондан «сўзсиз таслим бўлиш»ни талаб қилган.
Axios’нинг ёзишича, АҚШдаги баъзи расмийлар Эронни тинчликка мажбурлашнинг энг тез йўли — ядровий дастуридан воз кечиш эканини таъкидламоқда. Шу пайтгача Эрон ядровий дастурини тинч мақсадларда эканини қайд этиб келган, бироқ Ғарб давлатлари бу баёнотларга ишонмаяпти.
Бу орада, республикачи сенатор Линдси Грэҳэм Трампнинг фикрига кўра, Эроннинг ядровий дастурини энди дипломатик йўл билан тўхтатиб бўлмаслиги, бу худди «урушларда бўлганидек», фақат таслим бўлиш орқали амалга ошиши мумкинлигини айтди.