Маълумотларга кўра, бу улкан база турли дастурлар — инфостилерлар ёрдамида йиғилган бўлиши мумкин. Архивда Apple, Google, Facebook, GitHub, Telegram, шунингдек, турли ижтимоий тармоқлар, VPN-сервислар ва давлат платформаларига тегишли ҳисоблар маълумотлари мавжуд.
Cybernews таъкидлашича, тарқалган маълумотларнинг катта қисми илгари ошкор этилмаган ва биринчи марта омма эътиборига тушган. Айрим мутахассислар бу ҳодисани тарихдаги энг йирик аккаунт маълумотлари оқиб чиқиши деб баҳоламоқда.
Мутахассислар барча фойдаланувчиларни шахсий ҳисобларига тегишли паролларни янгилашга, пароль менеджерларидан фойдаланишга ва имкони борича икки босқичли аутентификацияни ёқишга чақирди. Бу ҳаракатлар шахсий маълумотларни ҳимоя қилишда муҳим восита ҳисобланади.
Киберҳужумлар ва маълумотлар оқиб чиқиши фонида онлайн хавфсизлик борасида жиддий ёндашув талаб этилмоқда. Янги техник таҳдидлар бартараф этилиши учун фойдаланувчиларнинг хабардорлиги ва профилактик чоралар долзарб аҳамият касб этмоқда.