Уорнернинг таъкидлашича, АҚШ Миллий разведкаси директори Тулси Габбард 25 март куни Сенатдаги махсус қўмитага тақдим этган ёзма ҳисоботида Эрон ядро қуроли яратиш бўйича ҳеч қандай чора кўрмаганини билдирган. Унга кўра, 18 та разведка агентлиги хулосасига асосан, Эрон ядро қуроли ишлаб чиқармаяпти ва мамлакат олий раҳбари Али Хоманеий бу дастурга 2003 йилдан бери рухсат бермаган.
Аввалроқ, президент Доналд Трамп ўз баёнотида Эрон Исроилга қарши ҳужумлардан аввал ядро қуроли яратишга яқин бўлганини айтган. Журналистлар Трампга Габбард тақдим этган маълумотлар бунга зид эканини эслатганида, у бу баёнотларга эътибор бермаслигини билдирган.