25 майдан 16 июнгача давом этган машғулотлар давомида Хитойнинг икки авианосеци — «Шандун» ва «Ляонин» — Тинч океан ҳудудида биринчи марта бир вақтнинг ўзида учувчи самолётлар билан амалиёт ўтказди. Япония мудофаа вазирлиги маълумотига кўра, бу муддатда 500 дан зиёд қўниш ва учиш амалга оширилган.
7 июн куни хитойлик қирувчи самолёт «Шандун» авианосецидан кўтарилиб, Япония кузатувчи самолётини 40 дақиқа давомида кузатган. Эртаси куни шунга ўхшаш ҳаракат яна содир бўлган — хитойлик қирувчи япон самолётига икки марта яқинлашиб, олдига чиқиб олган. Бу ҳаракатлар Японияда хавотир уйғотиб, Пекинга «сиртдан кузатишлар нормадан ташқари ва хавфли» экани ҳақида етказилган.
Хитой Ташқи ишлар вазирлиги бундай машқлар халқаро қонунларга мос келиши ва Япония ҳаво кемаларининг ўта яқин разведка ҳаракатлари хавфни кучайтирганини таъкидлади. «Япония ўз хавфли ҳаракатларини тўхтатиши керак», — деди расмий вакил Лин Цзян.
Япония эълон қилган харитада хитойлик авианосецлар ҳатто Япониянинг эксклюзив иқтисодий зонаси орқали ўтгани қайд этилган. Шунингдек, «Ляонин» авианосеци илк бор АҚШ ташқи сиёсат доктринасининг «иккинчи орол занжири» деб аталувчи ҳудуддан ҳам ўтгани маълум қилинди.
Бу машғулотлар фонида Хитойнинг янги «Фуцзян» авианосеци ҳам баҳр синовларини муваффақиятли якунлаш арафасида турибди. Бу Хитойдаги илк авианосец бўлиб, у электромагнит катапульта технологиясига эга — ҳозирча бу имкониятга фақат АҚШ ега.
Февралда Тасман денгизида ўтказилган ва Австралия ҳамда Янги Зеландияда эътироз уйғотган машғулотлардан сўнг, бу — Хитойнинг огоҳлантирмасдан амалга оширган яна бир катта машқи сифатида баҳоланмоқда.