Россия Президенти Владимир Путин Санкт-Петербург иқтисодий форумидаги чиқишидаги нутқида пленар мажлис модераторининг Россия армияси Украинада қаергача бориши мумкинлиги ҳақидаги саволига жавоб берди.
«Мен рус ва украин халқини аслида бир халқ деб ҳисоблайман, бу ҳақда кўп бор айтганман. Шу маънода бутун Украина бизники. Аммо биз юзага келаётган воқеликдан келиб чиқамиз. Шубҳасиз, қўшни мамлакатда ўз суверенитетини, мустақиллигини таъминлашга интилаётган одамлар бор, улар кам эмас. Майли, Худо уларга соғлик берсин. Айтганча, биз ҳеч қачон Украина халқининг мустақиллик ва суверенитетга бўлган ҳуқуқини шубҳа остига қўймаганмиз», — деди Путин.
«Шундай қадимий қоида бор: рус аскари қадами етган жой бизники бўлади», — дея қўшимча қилди Путин.
Шунингдек, у Россия ҳарбийлари Суми шаҳрини «олиши» мумкинлигини таъкидлади.
«Қаердадир 10 дан 19 километргача, қаердадир 8, 10, 12 километр. Кейин Суми шаҳри, вилоят маркази. Хўш, бизда Сумини қайтариб олиш бўйича вазифа йўқ, лекин, умуман олганда, мен буни истисно қилмайман», — деди Путин.
Россия Президенти «шу билан бирга, Украина мустақил ва суверен бўлган асослар 1991 йилда Украина мустақиллиги тўғрисидаги декларацияда баён этилганини, унда Украина блокларга қўшилмаган, ядровий бўлмаган нейтрал давлат эканлиги аниқ ёзилгани»ни айтди.
«Ушбу асосий қадриятларга қайтсак яхши бўларди», деди у.