Хитой Россияга нисбатан эҳтиёткорлик сиёсатидан воз кечиб, ҳарбий ҳамкорликни очиқ шаклда амалга ошира бошлади. Бу ҳақда The Economist нашри махсус таҳлил асосида маълумот берди. Унга кўра, Россиянинг уриб туширилган дронларида Хитойда ишлаб чиқарилган қисмлар аниқланмоқда ва бу Хитойнинг ўзига хос ҳарбий кўмаги ҳисобланади.
Нашр ёзишича, илгари Россия «Шаҳед» дронларини Осиё орқали контрабанда йўли билан олиб кирилган Америка электроникаси билан жиҳозлаган. Энди эса уларнинг ўрнини Хитойда ишлаб чиқарилган антенна ва бошқа қисмлар эгалламоқда.
The Economist таҳлилчиларининг фикрича, Хитой энди фақат электрон қисмлар билан чекланмай, артиллерия ўқ-дорилари ва ҳарбий дронларни ҳам Россияга етказаётган бўлиши мумкин. Журналистлар Хитойнинг бу ҳаракатларини Россиянинг ҳарбий машинасида ҳал қилувчи омил сифатида баҳоламоқда.
Маълум қилинишича, олинган намуналардан бирида 15 та техник қисмдан атиги иккитаси АҚШда ишлаб чиқарилган, қолганлари эса Хитой маҳсулотлари бўлган. Украина президенти Владимир Зеленский Россиядаги ишлаб чиқариш объектларида Хитой вакиллари борлигини айтиб ўтган. Европа Мудофаа вазирлиги бу маълумотни тасдиқлаган.