2025 йил 16 июнда Россия ўз нефтини ташувчи «хуфиёна флот»га тааллуқли танкерларни Ла-Манш бўйлаб илк бор ҳарбий корабль билан қўллаб-қувватлади. Бу ҳақда Starboard Maritime Intelligence таҳлилчиси Марк Дуглас маълум қилди, деб ёзмоқда The Insider.
Дугласнинг сўзларига кўра, Буюк Британия ва Европа Иттифоқи санкцияларига дучор бўлган SELVA ва SIERRA танкерлари ҳамда Россиянинг «Стерегушчий» туркумидаги «Бойкий» корвети ҳаракатини автоматик идентификация тизимлари орқали кузатиш мумкин бўлган. Ушбу учта кема ҳамоҳангликда ҳаракат қилиб, Россия портларига нефт юклаб олиш учун йўл олган.
Экспертлар Россиянинг ушбу қадамини халқаро санкциялар тизимига очиқ қарши чиқиш деб баҳоламоқда. Бу эса глобал ҳамжамиятнинг қанчалик қатъий эканини синовдан ўтказиши мумкин.
SELVA танкери аввал Панама байроғи остида юрган бўлса-да, кейинчалик Палау юрисдикциясига ўтгани аниқланган. Марказий кузатув ташкилотлари танкерларнинг юриш траекторияси ва юрисдикциясидаги ўзгаришларни доимий кузатиб бормоқда.
Бундан аввал, май ойида Финляндия мудофаа вазири Антти Хяккянен ҳам Россиянинг Финляндишафонида танкерларни ҳарбийлар билан қўриқлаётганини маълум қилган эди. Шунингдек, Эстония томонидан тўхтатилган Jaguar танкерини Россия Су-35 учоғи билан ҳимоя қилгани ва НАТО ҳаво фазосига аралашгани қайд этилган.