Пашинян Арманистон Тергов қўмитаси маълумотларига таяниб, тўнтариш режаси 2024 йил ноябридан бошлаб тайёрланганини айтди. Ҳужжатларга кўра, режада 200–250 кишидан иборат иборат жаговар гуруҳлар тузилиши, уларнинг таркибига асосан собиқ ҳарбий ва полициячилар жалб қилиниши назарда тутилган. Ҳаракат аъзолари портловчи моддалар ва диверсия воситаларини ҳам сотиб олган.
Фитначилар йўлларда автоҳалокатлар уюштириш, ўт қўйиш орқали транспорт ҳаракатини тўхтатиш, интернет ва электр таъминотини узиш, биноларга ҳужумлар уюштириш орқали аҳоли ҳаётига таҳдид солишни мўлжаллашган.
2025 йил бошидан бери 1000 нафардан ортиқ одам жалб қилинган, минглаб ёндирувчи ускуналар тайёрланган, Ереван харитаси асосида муҳандислик инфратузилмасига зарба бериш режалаштирилган. Терговга кўра, раҳбарлар ўзларини ташаббускор сифатида кўрсатмасдан, амалий ҳаракатларни бошқаларга топширган.
Civic нашрининг ёзишича, ушбу ҳаракат режасида Арманистоннинг Россияга мойил собиқ президентлари ва Россия компаниялари ҳам иштирок этган бўлиши мумкин. Чоршанба куни Миллий хавфсизлик хизмати Баграт Галстанян ва унинг яқинларига тааллуқли уйларда тинтув ўтказди, бир қатор фаоллар, жумладан полковник Мигран Махсудян ва жамоат фаоли Ара Ростомян қўлга олинди.
Галстанян 2024 йилда Никол Пашинян истеъфосини талаб қилган намойишларга бошчилик қилган эди. Намойишлар Тавуш вилоятини делимитация қилиш бўйича Боку ва Ереван келишувидан сўнг бошланган.