Биринчи босқичда олий, ўрта махсус ва касбий таълим муассасалари белгиланган тартибда лицензия олиши шарт. Малакани ошириш ва қайта тайёрлаш хизматлари кўрсатувчи ташкилотлар эса фақатгина хабардор қилиш асосида фаолият бошлаши мумкин.
Иккинчи босқичда ушбу таълим муассасалари томонидан амалга ошириладиган таълим дастурлари давлат аккредитациясидан ўтказилади. Бу жараён орқали дастурларнинг сифати ва давлат стандартларига мувофиқлиги назорат қилинади.
Аккредитациядан ўтмасдан талабаларни қабул қилиш ҳолати қонунбузарлик сифатида баҳоланади ва бу муассасанинг лицензияси бекор қилинишига олиб келиши мумкин. Фармон таълим сифатини ошириш, хизматларни стандартлаштириш ва соҳада назоратни кучайтиришни мақсад қилган.