«Тўғрисини айтиш керак, президент Илҳом Алиев айтганидек, 44 кунлик урушда қозонилган ғалаба жуда кўп йирик лойиҳаларга туртки берди. Лойиҳалар силжий бошлаганда эса ҳар каснинг асл юзи кўрина бошлади. Минтақа ўлкаларининг ҳам. Жумладан, Россиянинг ҳам.
Нима бўлди, жаноб Путин?» — деб савол берган бошловчи ва фикрини давом эттирган:
«Озарбойжоннинг минтақада кучли бир давлатга айланиши, сўнгги 200 йилда илк марта ўз тупроқларидан айрилиб, ўз кучи билан ишғол этилган ерларини қайтариб олиб, суверенитетни тиклагани, миллий манфаатларнинг доимо ҳимояси приципиал сиёсатни ўртага ташлаши, президент Илҳом Алиев глобал саҳнада лидер сифатида қабул қилина бошлангани, Озарбойжоннинг кучли ва принципиаллиги эътирофи сизни нега бунчалик безовта қилаяпти?
Биз тушунамиз, сиз ахир Россия ўз таркибига куч билан қўшиб олган халқлар устидан ҳукмронлигига кўникиб қолгансиз-ку?
Бу хоҳ Чор Россияси бўлсин, совет даври бўлсин, олий ирқ — рус халқи эди. Озарбойжонлар, ўзбеклар, қозоқлар, қирғизлар, туркманлар ва бошқа миллатларнинг вакиллари эса ҳар доим иккинчи даражали халқ сифатида қабул қилинган.
Бугунга келиб империя тарихнинг қаърига отилган бўлса-да, тушунча ўзгармаган, анъана давом этмоқда. Бир замонлар Сталин миллат ойдинларини НКВДнинг қўли билан кесган бўлса, бугун эса Путин ўз ҳаққини талаб этганни ОМОНнинг қўли билан йўқ қилмоқда. 37-йиллан ҳамон кескин ва жиддий тарзда даом этмоқда.
Лекин Кремлдагилар ва Россия приезиденти Владимир Путин ортиқ 37-йил йўқлигини, ташқарида 2025 йил эканлиги, бир замонлар собиқ иттифоқ таркибида бўлган республикалар 30 йилдан ортиқ вақт мобайнида мустақил эканлигини англай олармикан?
Тарихда ҳеч нарса унутилмаслигини англай олишадими? Қайсиким, на озарбойжон халқининг тушунган бошлари кесилган Сталиннинг қатағонларини, на 20 январ воқеаларини, на Хўжали қирғинини, на Озарбойжон тупроқларининг 30 йил мобайнида Россиянинг қўли билан Арманистон томонидан ишғол остига қолганини?
Ҳа, Россиянинг қўли билан, Россиянинг иштироки билан. 30 йил мобайнида ўзи яратган Қорабоғ муаммосини ҳал қилишга имкон бермаган ва Қорабоғ ярамиз туфайли бизга минг бир азият берган, бизнинг асабларимиз, миллий ғуруримиз билан ўйнашган Россия, энди муаммо ҳал этилгач, ўз кучини у ерда яшаётган озарбойжонларга кўрсатмоқда».
Бу мурожаат Россия томонидан ниҳоятда кескин қарши олинди. Энг аввало, Озарбойжон рус пропагандачилари томонидан Украина томонининг нарративларидан фойдаланаётганликда айбланди. Ҳозирча расмий муносабат билдирилганича йўқ.