Мэттю Уитакерга кўра, АҚШ ҳарбий инновациялари ва технологиялари жаҳоннинг бошқа давлатларидан анча устун. НАТОнинг умумий мудофааси ва ҳарбий салоҳияти айнан шу технологияларга таяниб таъминланмоқда. Унинг таъкидлашича, Америка қуролларини харид қилиш орқали Европа мамлакатлари АҚШ иш ўринлари ва унинг ишлаб чиқариш салоҳиятини қўллаб-қувватламоқда.
Бироқ Уитакер НАТО хавфсизлиги учун таҳдидларнинг ортиб бораётганини қайд этиб (https://statedept.substack.com/p/europes-defense-investment-fuels-nato-strength-and-u-s-jobs), алянсни янги замонавий таҳдидларга мослашиш зарурлигига чақирди. Унинг фикрича, НАТО ҳудудлари атрофидаги беқарорлик ва альянс рақибларининг ҳаракатлари жаҳон хавфсизлиги учун жиддий муаммо бўлиб қолмоқда.
Bloomberg агентлигининг ёзишича, айни пайтда айрим Европа давлатлари АҚШ қуролларини харид қилишдан воз кечиш масаласини кўриб чиқмоқда. Бунга АҚШ президенти Доналд Трампнинг Гренландияни эгаллаш тўғрисидаги баҳсли баёнотлари ва Украинага ҳарбий ёрдамни вақтинча тўхтатиб қўйиши каби ҳаракатлари сабаб бўлгани қайд этилмоқда.