Путин Тошкент вақти билан соат 20:00 дан кейин Трамп билан телефон орқали мулоқот қилиши кутилмоқда. Кремл матбуот котиби Дмитрий Песков суҳбатдан сўнг расмий баёнот берилишини маълум қилди. Доналд Трамп ҳам мазкур қўнғироқни тасдиқлаб, унинг 19:00 да амалга ошишини айтди.
Лидерлар ўртасидаги мулоқот Украина ва АҚШ ўртасидаги дипломатик кескинлик фонида бўлиб ўтади. Украина АҚШдан ҳарбий ёрдамнинг амалда тўхтатилганини эълон қилди ва шу боис Вашингтондаги вақтинчалик элчисини маслаҳатлашувга чақириб олди.
Politico нашри маълумотига кўра, ёрдам тўхтатилиши ҳақида ҳатто АҚШ Давлат департаменти ва Конгресс хабардор қилинмаган, бу эса Трамп маъмуриятини қарорларни мувофиқлаштирмаганликда айблашга сабаб бўлди.
Киевда бу танаффус Вашингтоннинг Украинага босим ўтказиш уриниши сифатида баҳоланмоқда. Украина президенти Володимир Зеленский эртага Трамп билан алоҳида телефон орқали суҳбат ўтказиши режалаштирилган.