Корея Республикаси тинч йўл билан бирлашишга интилиши лозим, Жануб ва Шимол, агар миллий умумийликни сақлаб қолса, «юз йиллар ўтса ҳам бирлашишлари мумкин». Бу ҳақда Корея Республикаси президенти Ли Же Мён баёнот берди.
«Конституциямизда ҳам ёзилган: биз тинч бирлашувга интиламиз, сингдиришга эмас. Сингдириш кимга ёқади? Бу уринишлар катта йўқотишларга олиб келиши мумкин», — деди Ли Жэ Мён. Унинг таъкидлашича, ҳар икки томон бир-бирини тан олган ҳолда, ўзаро манфаатли йўл билан ҳаракат қилишлари керак.
Президент 1953 йилда тугаган Корея уруши ортидан 80 йил ўтганини, тарих нуқтаи назаридан бу узоқ муддат эмаслигини эслатди.
Шунингдек, Ли Чжэ Мён Жанубий Кореянинг чегарадаги тарғибот эшиттиришларини тўхтатиш қарорига Шимолий Корея кутилмаган ижобий муносабат билдирганини маълум қилди. КХДР ўз томонидаги шовқинли ускуналарни ўчирган. «Муносабат жуда тез ва кутилганидан ҳам юқори даражада бўлди», — деди у.