Марказий разведка бошқармасининг собиқ раҳбари Жон Рэтклифф билдиришича, АҚШ собиқ президенти Барак Обама президентлик даври якунида Доналд Трампга сиёсий зарба бериш мақсадида махсус сохта ҳисобот тайёрлатишга қарор қилган. Бу ҳаракатга разведка агентликларининг бошлиқлари – Жеймс Коми, Жеймс Клэппер, ва Жон Бреннан жалб этилган.
Ретклиффнинг таъкидлашича, мақсад рад этиб бўлмайдиган ҳисобот яратиш бўлган, шу боис у махфийлаштирилган ва унга «Россия фитнаси» тамғаси босилган. Айнан шу ҳисобот Доналд Трампнинг президентлик фаолиятининг илк икки йилига жиддий таъсир кўрсатган.
МРБ раҳбари разведка маълумотларидан сиёсий мақсадларда фойдаланишни «энг вайронкор» ҳаракат деб атаб, буни оловга бензин сепиш билан қиёслаган.
Эслатиб ўтамиз, бу масала юзасидан кейинчалик олиб борилган суриштирувларда махсус прокурор Роберт Мюллер Трампнинг Россия билан тил бириктирганига оид ҳеч қандай аниқ далил топмаган. Россия ҳам АҚШдаги сайлов жараёнига аралашгани ҳақидаги барча айбловларни рад этган.