Саудия Арабистони кўнгилочар тадбирлар бошқармаси раиси Турки Ал аш-Шайх британиялик машҳур боксчи Тайсон Фюрининг профессионал рингга қайтиши ҳақида маълумот берди. Унинг сўзларига кўра, Фюри 2026 йилда Саудия Арабистони пойтахти Ар-Риёдда жанг ўтказиш ниятида.
«Лўлилар қироли қайтмоқда! Мен Тайсон билан гаплашдим ва у 2026 йили Ар-Риёдда жанг қилишга ваъда берди. Биз кутишга арзийдиган воқеа олдидан турибмиз», — деб ёзган Турки Ал аш-Шайх ижтимоий тармоқдаги саҳифасида.
Маълумот учун, 2024 йил январ ойида Тайсон Фюри расман фаолиятини якунлаганини эълон қилган эди. У охирги жангини 2023 йил 22 декабр куни украиналик чарм қўлқоп устаси Александр Усикка қарши ўтказиб, навбатдаги мағлубиятини қабул қилган. Бу Фюри учун иккинчи кетма-кет мағлубият ҳисобланади.