Такер Карлсонга онлайн интервю берган Масъуд Пизишкиёнга кўра, воқеа тахминан бир ярим ҳафта аввал рўй берган. Унинг айтишича, суиқасд у унинг иштирокидаги йиғилиш пайтида амалга оширилиши керак бўлган. Ҳужум Эрон разведкаси маълумотларига таяниб бартараф этилганини таъкидлар экан, у шундай деди: «Мени кузатиб турган жосуслар орқали улар биз йиғилиш ўтказаётган ҳудудга зарба беришни режалаштиришган».
Эрон президентининг таъкидлашича, мазкур суиқасд уринишига АҚШнинг ҳеч қандай алоқаси йўқ.
Такер Карлсон ушбу суҳбатда Пизишкиёндан Теҳрон АҚШ билан урушга тайёрланаяптими, деган саволни ҳам тўғридан тўғри сўраган. У интервюни танқид қилишлари мумкинлигини тан олган, аммо америкаликлар ҳар қандай можарода ҳар икки томон нуқтайи назарини билишга ҳақли эканини қайд этган.
Карлсон шунингдек, июн ойидаги Исроилнинг Эронга қарши зарбасини «уруш акти» деб атаган ва унда АҚШ ҳам ўзини шерик қилиб қўйганини айтган. Унинг фикрича, изоляционист сиёсат бу каби ҳарбий операциялар билан мутлақо уйғун эмас.